ಅಮೇಜಾನ್ 73 ನೇ ಗಣರಾಜ್ಯೋತ್ಸವದ ಪ್ರಯುಕ್ತ ರಾಷ್ಟ್ರಧ್ವಜದ ಮುದ್ರೆ, ಚಿತ್ರವುಳ್ಳ ವಸ್ತುಗಳನ್ನು ಅಮೇಜಾನ್ ಮಾರಾಟ ಮಾಡುತ್ತಿದೆ. ಈ ಮೂಲಕ ಅಮೇಜಾನ್ ಮತ್ತೆ ಜನರ ಕೆಂಗಣ್ಣಿಗೆ ಗುರಿಯಾಗಿದೆ. ಜನರು ಭಾರತದ ತ್ರಿವರ್ಣ ಧ್ವಜಕ್ಕೆ ಅಮೇಜಾನ್ ಅವಮಾನ ಮಾಡಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಅಮೇಜಾನ್ ಬಹಿಷ್ಕರಿಸಿ, ಅಮೇಜಾನ್ ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡುತ್ತಿದೆ ಹೀಗೆ ಇತ್ಯಾದಿ ಹ್ಯಾಷ್ಟ್ಯಾಗ್ನಡಿ ಜನರು ಪೋಸ್ಟ್ ಹಾಕುತ್ತಿದ್ದಾರೆ.
ಅಮೇಜಾನ್ ನಲ್ಲಿ ಧ್ವಜದ ಚಿತ್ರ ಮುದ್ರಿಸಲಾಗಿರುವ ಟಿ-ಶರ್ಟ್ಗಳು, ಮಾಸ್ಕ್ಗಳು, ಕೀ ಚೈನ್ಗಳು, ಚಾಕಲೇಟ್ ಕವರ್ಗಳು , ಸೆರಾಮಿಕ್ ಮಗ್ಗಳು, ಮಕ್ಕಳ ಬಟ್ಟೆಗಳು ಮಾರಟಕ್ಕೆ ಸಿಗುತ್ತಿದೆ. ಆದರೆ ಧ್ವಜ ಸಂಹಿತೆಯ ಪ್ರಕಾರ ಯಾವುದೇ ಉಡುಪಿನಲ್ಲಿ ರಾಷ್ಟ್ರಧ್ವಜ ಮುದ್ರಿಸುವಂತಿಲ್ಲ. ಹಾಗೂ ಕುಶನ್ಗಳು, ಕರವಸ್ತ್ರಗಳು, ನ್ಯಾಪ್ಕಿನ್ ಅಥವಾ ಪೆಟ್ಟಿಗೆಗಳ ಮೇಲೆ ಮುದ್ರಣ ಅಥವಾ ಕಸೂತಿ ಮಾಡುವಂತಿಲ್ಲ. ಅಮೇಜಾನ್ ತನ್ನ ಮಾರಾಟ ಪ್ರಮಾಣ ಹೆಚ್ಚಿಸಿಕೊಳ್ಳಲು ರಾಷ್ಟ್ರ ಧ್ವಜ ಸಂಹಿತೆಯನ್ನು ಹಾಗೂ ರಾಷ್ಟ್ರಧ್ವಜಕ್ಕೆ ಅವಮಾನ ಮಾಡುತ್ತಿದೆ ಆದ್ದರಿಂದ ಅಮೇಜಾನ್ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದ ಅನೇಕರು ಆಗ್ರಹಿಸಿದ್ದಾರೆ.
