ನವದೆಹಲಿ: ಇದೇ ಮೊದಲ ಬಾರಿಗೆ ಭಾರತದ ಬ್ರಹ್ಮೋಸ್ ಕ್ಷಿಪಣಿಯನ್ನು ಖರೀದಿಸಲು ಫಿಲಿಪ್ಪೀನ್ಸ್ ಮುಂದಾಗಿದೆ. ಈ ಮೂಲಕ ಆತ್ಮನಿರ್ಭರ ಭಾರತಕ್ಕೆ ಯಶಸ್ಸು ದೊರೆತಂತಾಗಿದೆ.
ಫಿಲಿಪ್ಪೀನ್ಸ್ ನ ರಕ್ಷಣಾ ಸಚಿವಾಲಯವು ಭಾರತದೊಂದಿಗೆ 374 ದಶಲಕ್ಷ ಡಾಲರ್ ಮೊತ್ತದ ಒಪ್ಪಂದಕ್ಕೆ ಶುಕ್ರವಾರ ಸಹಿ ಮಾಡಿದೆ. ಈ ಒಪ್ಪಂದದಂತೆ ಭಾರತವು ಫಿಲಿಪ್ಪೀನ್ಸ್ ಗೆ ಬ್ರಹ್ಮೋಸ್ ಕ್ಷಿಪಣಿಯನ್ನು ರಫ್ತು ಮಾಡಲಿದೆ. ಬ್ರಹ್ಮೋಸ್ ಕ್ಷಿಪಣಿಯನ್ನು ಭಾರತ-ರಷ್ಯಾದ ಜಂಟಿ ಯೋಜನೆ ಬಿಎಪಿಎಲ್. ಸೂಪರ್ ಸಾನಿಕ್ ಕ್ರೂಸ್ ಅಭಿವೃದ್ಧಿ ಪಡಿಸುತ್ತಿದೆ. ಜಲಾಂತರ್ಗಾಮಿ, ನೌಕೆ, ಭೂಪ್ರದೇಶ, ವಿಮಾನದಿಂದಲೂ ಈ ಕ್ಷಿಪಣಿಯನ್ನು ಉಡಾವಣೆ ಮಾಡಬಹುದಾಗಿದೆ.
