ವಾಷಿಂಗ್ಟನ್: ಕಳ್ಳರು ಮನೆಯಲ್ಲಿರುವ ವಸ್ತುಗಳನ್ನು ಕಳ್ಳತನ ಮಾಡುವುದು ಮಾಮೂಲು. ಆದರೆ ಪೂರ್ತಿ ಮನೆಯನ್ನೇ ಕಳ್ಳತನ ಮಾಡಿದ ಅಪರೂಪ ಘಟನೆ ಅಮೆರಿಕದ ಮಿಚಿಗನ್‌ನಲ್ಲಿ ನಡೆದಿದೆ.
ಮಿಚಿಗನ್‌ನ ವ್ಯಕ್ತಿಯೊಬ್ಬ 12-28 ಅಡಿಯ ಸಣ್ಣದೊಂದು ಕ್ಯಾಬಿನ್ ರೀತಿಯ ಮನೆಯಲ್ಲಿ ವಾಸಿಸುತ್ತಿದ್ದು, ಕಳೆದ ವರ್ಷದ ಅಂತ್ಯದಲ್ಲಿ ಕೆಲಸದನಿಮಿತ್ತ ಬೇರೆ ಊರಿಗೆ ಹೋಗಿ ತಿಂಗಳುಗಳ ಕಾಲ ನೆಲೆಸಿದ್ದರಂತೆ. ಆತ ತಿರುಗಿ ಬಂದಾಗ ಆತನ ಮನೆಯೇ ಕಳ್ಳತನವಾಗಿರುವುದನ್ನು ಕಂಡು ಪೊಲೀಸರಿಗೆ ದೂರು ನೀಡಿದ್ದಾರೆ. 2021ರ ನ.18- ಡಿ.16ರ ನಡುವೆ ಕೋಲ್ಡ್ ಸ್ಪ್ರಿಂಗ್ ಟೌನ್‌ಶಿಪ್ ಬಳಿ ಇದ್ದ ಮನೆ ಕಳ್ಳತನವಾಗಿದೆ. ಪೊಲೀಸರು ಕಳ್ಳರಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.
