ಮಂಗಳೂರು: ಕೆಫೆಯಲ್ಲಿ ಇಬ್ಬರು ವಿದ್ಯಾರ್ಥಿನಿಯರು ಹೊಡೆದಾಟ ಮಾಡಿಕೊಂಡು, ಇವರ ಜಗಳ ಬಿಡಿಸಲು ಯುವಕರು ಪರದಾಡಿದ ಘಟನೆ ಮಂಗಳೂರಿನ ಬಾವುಟಗದ್ದೆಯ ಯೆನ್ ಕೆಫೆಯಲ್ಲಿ ನಡೆದಿದೆ.
ಯುವಕರ ಜೊತೆ ಕೆಫೆಯಲ್ಲಿ ಕುಳಿತಿದ್ದ ಯುವತಿ ಮೇಲೆ ಕೆಫೆಗೆ ಬಂದ ಮತ್ತೊಬ್ಬ ಯುವತಿ ಏಕಾಏಕಿ ಹಲ್ಲೆ ಮಾಡಿದ್ದಾಳೆ. ಈ ವೇಳೆ ಕೆಫೆಯಲ್ಲಿದ್ದ ಮತ್ತೊಬ್ಬ ಯುವತಿ ಗಲಾಟೆ ಪ್ರಾರಂಭಿಸಿದ್ದು, ಒಟ್ಟು ಮೂವರು ಯುವತಿಯರು ಜಗಳವಾಡಲು ಶುರುಮಾಡಿದ್ದಾರೆ.
ಈ ಯುವತಿಯರ ಜಗಳ ಬಿಡಿಸಲು ಯುವಕರು ಪರದಾಡಿದ್ದು, ಈ ಬಗ್ಗೆ ಮಂಗಳೂರಿನ ಪೂರ್ವ ಠಾಣೆ ಪೊಲೀಸರು ಮಾಹಿತಿ ಸಂಗ್ರಹಿಸಿಕೊಂಡಿದ್ದಾರೆ. ಇದೀಗ ಯುವತಿಯರ ಜಗಳದ ವಿಡೀಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
