ಕಡಬ ಫೆಡರಲ್ ಬ್ಯಾಂಕಿನ ಸಮೀಪ ಚಿನ್ನದ ಸರ ಪತ್ತೆ: ವಾರಸುದಾರರಿಗೆ ಕಡಬ ಠಾಣೆ ಸಂಪರ್ಕಿಸಲು ಸೂಚನೆ

ಕಡಬ: ಕಡಬ ಫೆಡರಲ್ ಬ್ಯಾಂಕಿನ ಸಮೀಪ ಅಲ್ಲಿನ ಸಿಬ್ಬಂದಿ ಜೆರಿನ್ ಎಂಬವರಿಗೆ ಚಿನ್ನದ ಸರವೊಂದು ಬಿದ್ದು ಸಿಕ್ಕಿದ್ದು,ಅದನ್ನು ಅವರು ಪತ್ರಕರ್ತ ಪ್ರಕಾಶ್ ಅವರಿಗೆ ತಲುಪಿಸಿದ್ದಾರೆ. ಪ್ರಕಾಶ್ ಅವರು ಸರವನ್ನು ಕಡಬ ಪೊಲೀಸ್ ಠಾಣೆಯ ಎಎಸ್‌ಐ ಸುರೇಶ್ ಅವರ ಮೂಲಕ ಕಡಬ ಪೊಲೀಸ್ ಠಾಣೆಗೆ ನೀಡಿರುತ್ತಾರೆ.
ಈ ಚಿನ್ನದ ಸರದ ವಾರಸುದಾರರು ಸರಿಯಾದ ಮಾಹಿತಿ, ತೂಕ ಅಥವಾ ದಾಖಲೆಗಳನ್ನು ನೀಡಿ ಕಡಬ ಪೊಲೀಸ್ ಠಾಣೆಯಿಂದ ಚಿನ್ನದ ಸರವನ್ನು ಪಡೆದುಕೊಳ್ಳಬಹುದು ಎಂದು ಕಡಬ ಠಾಣಾಧಿಕಾರಿ ಆಂಜನೇಯ ರೆಡ್ಡಿ ಅವರು ತಿಳಿಸಿದ್ದಾರೆ.