ಯು.ಕೆ ಯಲ್ಲಿ ವಿಶ್ವದ ಮೊದಲ ಚಾಲಕರಹಿತ ಸ್ವಾಯತ್ತ ( autonomous) ಬಸ್ ಸೇವೆ ಆರಂಭಗೊಂಡಿದೆ.ಇಲ್ಲಿನ ಫೋರ್ತ್ ರಸ್ತೆ ಸೇತುವೆಯಿಂದ ಪ್ರಯಾಣಿಕರನ್ನು ಕರೆದೊಯ್ಯುವ ಮೂಲಕ ಮೊದಲ ಚಾಲಕ ರಹಿತ ( driver less) ಬಸ್ ಸೇವೆಯನ್ನು ಆರಂಭಗೊಂಡಿತು.
ಸ್ಟೇಜ್‌ಕೋಚ್ ವಾಹನಗಳನ್ನು ಇನ್ವರ್‌ಕೀಥಿಂಗ್, ಫೈಫ್ ಮತ್ತು ಎಡಿನ್‌ಬರ್ಗ್ ಪಾರ್ಕ್ ಬಳಿಯ ಫೆರ್ರಿ ಟೋಲ್ ನಡುವಿನ ಪ್ರದೇಶಗಳಲ್ಲಿ ಸೇವೆಯನ್ನು ಪರೀಕ್ಷಿಸಲಾಯಿತು. ಸ್ಕಾಟ್‌ಲ್ಯಾಂಡ್‌ನ ಸಾರಿಗೆ ಸಚಿವ ಕೆವಿನ್ ಸ್ಟೀವರ್ಟ್ ಈ ಪರೀಕ್ಷಾರ್ಥ ಪ್ರಯಾಣದಲ್ಲಿ ಭಾಗಿಯಾದರು.2025ರವರೆಗೆ ಪ್ರಾಯೋಗಿಕ ಆಧಾರದ ಮೇಲೆ ಈ ಬಸ್ ಕಾರ್ಯನಿರ್ವಹಿಸುತ್ತದೆ.
ಪ್ರತಿ ಬಸ್‌ನಲ್ಲಿ ಇಬ್ಬರು ಸಿಬ್ಬಂದಿ ಇರುತ್ತಾರೆ.ತಂತ್ರಜ್ಞಾನವನ್ನು ಮೇಲ್ವಿಚಾರಣೆ ಮಾಡಲು ಚಾಲಕನ ಸೀಟಿನಲ್ಲಿ ಸುರಕ್ಷತಾ ಚಾಲಕ ಮತ್ತು ಪ್ರಯಾಣಿಕರಿಗೆ ಬೋರ್ಡಿಂಗ್ ಟಿಕೆಟ್‌ಗಳನ್ನು ನೀಡಲು ಮತ್ತು ಪ್ರಯಾಣಿಕರ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಲು ಬಸ್ ಕ್ಯಾಪ್ಟನ್ ಇರುತ್ತಾರೆ.ಪ್ರಸ್ತುತ ಯುಕೆಯಲ್ಲಿ ಸಂಪೂರ್ಣ ಚಾಲಕರಹಿತ ಬಸ್ಸುಗಳನ್ನು ಕಾನೂನುಬದ್ಧವಾಗಿ ಅನುಮತಿಸಲಾಗಿಲ್ಲ. ನವೀಕರಿಸಿದ ಕಾನೂನು ಮತ್ತು ಭರವಸೆ ಚೌಕಟ್ಟಿನಲ್ಲಿ ಈ ಬಸ್ ಕಾರ್ಯನಿರ್ವಹಿಸುತ್ತಿದೆ.
