ಮಂಗಳೂರು: ಕೋಳಿಯೊಂದು ಗೋಡಂಬಿಯಾಕಾರದಲ್ಲಿ ಮೊಟ್ಟೆ ಇಡುತ್ತಿರುವ ವಿಚಿತ್ರ ಘಟನೆ ದಕ್ಷಿಣ ಕನ್ನಡ ಜಿಲ್ಲೆ ಬೆಳ್ತಂಗಡಿ ಸಮೀಪ ಲಾಯಿಲಾ ಎಂಬಲ್ಲಿ ನಡೆದಿದೆ.
ಲಾಯಿಲ ಗ್ರಾಮದ ಬೇಲಾಜೆ ಮನೆಯ ಪ್ರಶಾಂತ್ ಎಂಬುವವರ ಮನೆಯಲ್ಲಿ ಸಾಕಿದ್ದ ಕೋಳಿ ಗೋಡಂಬಿಯಾಕಾರದಲ್ಲಿ ಮೊಟ್ಟೆ ಇಡುತ್ತಿದ್ದು, ಈವೆರಗೂ ಅದೇ ಅಕಾರದ ಹತ್ತು ಮೊಟ್ಟೆಯನ್ನು ಇಟ್ಟಿದೆ. ಈ ವಿಚಿತ್ರ ಘಟನೆಯಿಂದ ಸ್ಥಳೀಯರಿಗೆ ಅಶ್ಚರ್ಯ ಉಂಟಾಗಿದ್ದು, ಕೋಳಿ ಮೊಟ್ಟೆಯನ್ನು ನೋಡಲು ಜನರು ಪ್ರಶಾಂತ್ ಅವರ ಮನೆಗೆ ಭೇಟಿ ನೀಡುತ್ತಿದ್ದಾರೆ.
