ಭಾರತದ ಕೊರೊನಾ ಅಪ್‌ಡೇಟ್ಸ್:ಒಂದೇ ದಿನ ೨.೩೮ಲಕ್ಷ ಪಾಸಿಟಿವ್ ಕೇಸ್ ಪತ್ತೆ:೩೧೦ಮಂದಿ ಸೋಂಕಿಗೆ ಬಲಿ

ಭಾರತ:ಕೊರೊನಾ ವೈರಸ್‌ನ ಹಾವಳಿಗೆ ಬೇಸತ್ತಿರುವ ಜನರು ಇದೀಗ ಸ್ವಲ್ಪ ಮಟ್ಟಿಗೆ ನಿಟ್ಟುಸಿರು ಬಿಡುವಂತಾಗಿದೆ. ಇದೀಗ ಭಾರತದಲ್ಲಿ ಕೋವಿಡ್ ಪಾಸಿಟಿವ್ ಪ್ರಕರಣಗಳ ಪ್ರಮಾಣ ಕ್ಷೀಣಿಸುತ್ತಿದ್ದು, ಕೊರೊನಾ ಸೋಂಕಿನಿಂದ ಚೇತರಿಸಿಕೊಳ್ಳುತ್ತಿರುವವರ ಸಂಖ್ಯೆಯೂ ಕೂಡ ಹೆಚ್ಚುತ್ತಿದೆ. ನಿನ್ನೆಯ ಪ್ರಕರಣಗಳಿಗೆ ಹೋಲಿಸಿದರೆ ದಾಖಲೆಯ ಮಟ್ಟದಲ್ಲಿ ಕಡಿಮೆ ಕೊರೊನಾ ಪಾಸಿಟಿವ್ ಪ್ರಕರಣಗಳು ದಾಖಲಾಗಿದ್ದು, ಕಳೆದ ೨೪ಗಂಟೆಗಳಲ್ಲಿ ೨,೩೮,೦೧೮ ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ ಎಂದು ಆರೋಗ್ಯ ಸಚಿವಾಲಯ ಮಾಹಿತಿ ನೀಡಿದೆ.

ನಿನ್ನೆಯ ಕೊರೊನಾ ಪಾಸಿಟಿವ್ ಪ್ರಕರಣಗಳಿಗೆ ಹೋಲಿಕೆ ಮಾಡಿದರೆ ೨೦೦೦೦ಕಡಿಮೆ ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ. ಸದ್ಯ ಭಾರತದಲ್ಲಿ ೧೭,೩೬,೬೨೮ ಕೋವಿಡ್ ಕೇಸ್‌ಗಳು ಸಕ್ರಿಯವಾಗಿದ್ದು, ಕೊರೊನಾದಿಂದ ಚೇತರಿಸಿಕೊಳ್ಳುತ್ತಿರುವ ಸಂಖ್ಯೆಯೂ ಕೂಡ ಹೆಚ್ಚುತ್ತಲೇ ಇದೆ. ಈವರೆಗೆ ಕೊರೊನಾದಿಂದ ಗುಣಮುಖರಾದವರ ಪ್ರಮಾಣ ಶೇ.೯೪.೦೯ರಷ್ಟಿದೆ. ಇನ್ನು, ದೇಶದಲ್ಲಿ ಒಂದೇ ದಿನ ೩೧೦ಮಂದಿ ಕೊರೊನಾ ಸೋಂಕಿಗೆ ಬಲಿಯಾಗಿದ್ದು, ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ಹೆಲ್ತ್ ಬುಲೆಟಿನ್‌ನಲ್ಲಿ ತಿಳಿಸಿರುವ ಪ್ರಕಾರ ಪ್ರತಿನಿತ್ಯದ ಪಾಸಿಟಿವಿಟಿ ದರ ಶೇ.೧೪.೪೩ರಷ್ಟಿದೆ ಎಂದು ವರದಿಯಾಗಿದೆ.