ಸಾಮಾನ್ಯವಾಯಿ ಕಾಲೇಜ್ ಬದಿ ಕಸ ತಕಂಡ್ ಹೋಪುಕೆ ಕಸದ್ ವ್ಯಾನ್ ಬತ್. ಈ ವ್ಯಾನ್ ಜನಗಳಲ್ ಜಾಗೃತಿ ಮೂಡ್‌ಸುಕೆ ಪಿಕ್ಚರ್ ಹಾಡಿನ್ ರಾಗಕ್ಕೆ ಬಗಿ ಬಗಿ ಪದಗಳ್ ಸೇರ್‌ಸ್ಕಂಡ್ ದೊಡ್ಡಕ್ ಸೌಂಡ್ ಮಾಡ್ಕಂಡ್ ಬಪ್ಪೊತ್ತಿಗೆ ಕ್ಲಾಸಂಗೆ ನಿದ್ದಿ ಮಾಡ್ತಿಪ್ಪು ಕೆಲ ಮಕ್ಕಳೆಲ್ಲ ಒಂದ್ ಸತಿ ಎದ್ಕಂಡ್ ಪಾಠ ಮಾಡ್ತಿಪ್ಪು ಲೆಕ್ಚರರ್‌ನ ಕಂಡ್ರೆ, ಇನ್ ಕೆಲ ಮಕ್ಕಳ್ ಕಿಸಿ ಕಿಸಿ ಅಂದೇಳಿ ನಗಾಡುಕೆ ಶುರು ಮಾಡ್ತೊ.
ಪಾಠ ಮಾಡ್ತಿಪ್ಪು ಲೆಕ್ಚರ್ ಕ್ಲಾಸಂಗೆ ನಗಾಡ್‌ತಿಪ್ಪು ಮಕ್ಕಳಿಗ್ ಒಂದ್ ಇಷ್ಟ್ ಪ್ರಶ್ನೆ ಕೇಳಿ ಉತ್ತ್ರ ಕೊಡ್‌ದಿಪ್ಪು ಮಕ್ಕಳಿಗ್ ಸಹಸ್ರ ನಾಮಾರ್ಚನೆ ಮಾಡ್‌ತ್ರ್. ಇನ್ ಕ್ಲಾಸಂಗೆ ಮಾಡು ಪಾಠನ್ನ ಗಮ್ನ ಇಟ್ ಕೆಂಬು ದೊಡ್ ಮಂಡಿಗಳಿಗೆ ಕಸದ್ ವ್ಯಾನಿನ್ ಸೌಂಡ್ ಹಿರಗ್ಲ್ ಆತ್. ಬೋರ್ ಹೊಡ್ಸು ಪಾಠದ್ ಮಧ್ಯದಂಗ್ ಈ ವ್ಯಾನಿನ್ ಹಾಡ್‌ಗಳ್ ಕೆಲ ಮಕ್ಕಳಿಗ್ ಒಂದ್ ನಮನಿ ಎಂಟರ್‌ಟೈನ್‌ಮೆಂಟ್ ಕೊಡತ್.
ಕಾಲೇಜಿಗೆ ಹೊಸದಾಯಿ ಸೇರ್‌ಕಂಡ್ ಮಕ್ಕಳಿಗ್ ಕಸದ್ ವ್ಯಾನಿನ್ ಹಾಡ್ ಮೊದಲ್ ಸಲಕ್ ಕೇಂಬತ್ತಿಗೆ ಕಾಲೇಜಂಗೆ ಮಾಡ್‌ತ್ತಿಪ್ಪು ಅನೌನ್ಸಮೆಂಟ್ ಅಂದೇಳಿ ಕೆಮಿ ನೆಟ್ಟಗ್ ಆತ್. ಆರೆ ದಿನಗಳ್ ಕಳ್‌ದಂಗೆ ಗೊತ್ತಾತ್ ಅದ್ ಅನೌನ್ಸಮೆಂಟ್ ಅಲ್ಲ ಕಸದ್ ವ್ಯಾನಿನ್ ಹಾಡ್ ಅಂದೇಳಿ.
ಕಸದ್ ವ್ಯಾನಿನ್ ಹಾಡ್ ಅಂದ್ರೆ ಮದಿ ಹಿಂದಿನ್ ದಿನ ಮಾಡು ಮದರಂಗಿಯಲ್ ಹಾಕು ಹಾಡ್ ಕಣಂಗೆ ಬಗಿ ಬಗಿ ನಮನಿ ಹಾಡ್ ಹಾಕ್ತ್ರ್. ಕಸದ್ ವ್ಯಾನಿನ್ ಸೌಂಡ್ ಅಂಬುದು ಆಟದ್ ಮಧ್ಯದಂಗ್ ಬಪ್ಪು ಹಾಸ್ಯಗಾರನ್ ಕಣಂಗೆ ಬಂದ್ ಮಕ್ಕಳನ್ ನಗ್ಸಿ ಹೋತ್. ಹಾಂಗಾಯಿ ಹಾಡ್ ಕೇಂಬುದಾ ಪಾಠ ಕೇಂಬುದಾ ನೀವೇ ಹೇಳಿ ಕಾಂಬ.
ಅಕ್ಷತಾ (ನ್ಯೂಸ್ ಪ್ಲಸ್ ಡೆಸ್ಕ್)
