ಇನ್ನು ಮುಂದೆ ಫ್ಲಿಪ್ಕಾರ್ಟ್ನಲ್ಲಿ ಕೇವಲ ಸ್ಮಾರ್ಟ್ಫೋನ್ ಅನ್ನು ಖರೀದಿ ಅಷ್ಟೆ ಅಲ್ಲ ಮಾರಾಟ ಕೂಡ ಮಾಡಬಹುದಾಗಿದೆ. ಎಲೆಕ್ಟ್ರಾನಿಕ್ ರೀ ಕಾಮರ್ಸ್ ಯಂತ್ರ ಎನ್ನುವ ಸಂಸ್ಥೆಯನ್ನು ಫ್ಲಿಪ್ ಕಾರ್ಟ್ ಸದ್ಯದಲ್ಲೇ ಸ್ವಾಧೀನಪಡಿಸಿಕೊಳ್ಳಲಿದೆ. ಅದರಲ್ಲಿ ಫ್ಲಿಪ್ಕಾರ್ಟ್ ಭಾರತದ ಪ್ರಮುಖ ನಗರಗಳಲ್ಲಿ 1500ಕ್ಕೂ ಹೆಚ್ಚು ಪಿನ್ಕೋಡ್ಗಳಲ್ಲಿ ಹಳೆಯ ಪೋನ್ಗಳನ್ನು ಬಳಕೆದಾರರು ಮಾರಾಟ ಮಾಡಲು ಲಭ್ಯವಿದೆ ಎಂದು ತಿಳಿಸಿದೆ.
ಸದ್ಯ ಎಲ್ಲಾ ರೀತಿಯ ಸ್ಮಾರ್ಟ್ಫೋನ್ ಗಳನ್ನು ಮಾತ್ರ ಮಾರಾಟ ಮಾಡಲು ಅವಕಾಶ ನೀಡಿದ್ದು, ಮುಂದಿನ ದಿನಗಳಲ್ಲಿ ಇತರ ವಸ್ತುಗಳನ್ನು ಮಾರಾಟ ಮಾಡಲು ಅವಕಾಶ ನೀಡಲಿದ್ದೇವೆ. ಮಾರಾಟ ಮಾಡುವ ಸ್ಮಾರ್ಟ್ಫೋನ್ ಗಳು ಫ್ಲಿಪ್ಕಾರ್ಟ್ ಅಥವಾ ಹೊರಗಡೆ ಖರೀದಿ ಮಾಡಿದ್ದರೂ ಮಾರಾಟ ಮಾಡಬಹುದಾಗಿದೆ. ಫ್ಲಿಪ್ ಕಾರ್ಟ್ ಆ್ಯಪ್ನ ಕೆಳಗಿನ ಬಾರ್ನಲ್ಲಿ ಮಾರಾಟ ಮಾಡುವ ಆಯ್ಕೆ ಇರಲಿದೆ ಎಂದು ಫ್ಲಿಪ್ ಕಾರ್ಟ್ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.
ಸ್ಮಾರ್ಟ್ಫೋನ್ ಮಾರಾಟ ಮಾಡುವ ಬಳಕೆದಾರರು ಇ ವೋಚರ್ ಪಡೆಯುತ್ತಾರೆ. ಮಾರಾಟ ಮಾಡುವ ವೇಳೆ ಮಾರಾಟಗಾರರ ಬೆಲೆಯನ್ನು ತಿಳಿಯಲು ಕೆಲವು ಪ್ರಶ್ನೆಗಳನ್ನು ಕೇಳಿ ಅದರ ಉತ್ತರ ಪಡೆದ ನಂತರ 48 ಗಂಟೆಯೊಳಗೆ ಸ್ಮಾರ್ಟ್ಫೋನ್ ಪಡೆದುಕೊಳ್ಳುತ್ತದೆ. ತದನಂತರ ಅದನ್ನು ಪರಿಶೀಲನೆ ನಡೆಸಿ ಫ್ಲಿಪ್ಕಾರ್ಟ್ ಮಾರಾಟ ಮಾಡಲಿದೆ ಎಂದು ತಿಳಿಸಿದೆ.
