ರಷ್ಯಾದ ಹೊಸ ‘ನಕಲಿ ಸುದ್ದಿ’ ತಡೆ ಕಾನೂನಿನ ಅನುಸಾರ ಟಿಕ್‌ಟಾಕ್ ರಷ್ಯಾದಲ್ಲಿ ಹೊಸ ಕಂಟೆಂಟ್ ಮತ್ತು ಲೈವ್‌ ಸ್ಟ್ರೀಮಿಂಗ್ ಮಾಡುವ ಅವಕಾಶವನ್ನು ಸ್ಥಗಿತಗೊಳಿಸಿದೆ.
ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಇತ್ತೀಚೆಗೆ ನಕಲಿ ಸುದ್ದಿ ತಡೆ ಕಾನೂನಿಗೆ ಸಿಹಿ ಮಾಡಿದ್ದರು. ಉಕ್ರೇನ್ ಮೇಲೆ ಯುದ್ಧ ಸಾರಿದ ಹಿನ್ನೆಲೆಯಲ್ಲಿ ನಕಲಿ ಸುದ್ದಿ ಪ್ರಕಟ ಮಾಡಿದರೆ 15 ವರ್ಷ ಜೈಲು ಶಿಕ್ಷೆ ಪರಿಚಯಿಸುವ ಮಸೂದೆಯನ್ನು ಮುಂದೂಡಿತ್ತು.
‘ರಷ್ಯಾದ ಹೊಸ ನಕಲಿ ಸುದ್ದಿ ಕಾನೂನಿನ ಅಡಿಯಲ್ಲಿ, ನಾವು ಈ ಕಾನೂನಿನ ಸುರಕ್ಷತೆಯ ಪರಿಣಾಮಗಳನ್ನು ಪರಿಶೀಲಿಸುವಾಗ ನಮ್ಮ ವೀಡಿಯೊ ಸೇವೆಯ ಲೈವ್‌ ಸ್ಟ್ರೀಮಿಂಗ್ ಮತ್ತು ಹೊಸ ಕಂಟೆಂಟ್ ಅನ್ನು ಸ್ಥಗಿತಗೊಳಿಸುವುದು ಬಿಟ್ಟು ನಮಗೆ ಬೇರೆ ಆಯ್ಕೆಗಳಿಲ್ಲ. ಇದರಿಂದ ನಮ್ಮ ಅಪ್ಲಿಕೇಶನ್‌ನಲ್ಲಿನ ಸಂದೇಶ ಕಳುಹಿಸುವಿಕೆಯ ಸೇವೆಗೆ ಪರಿಣಾಮ ಬೀರುವುದಿಲ್ಲ’ ಎಂದು ಟಿಕ್ ಟಾಕ್ ಕಂಪನಿ ಟ್ವೀಟ್‌ ಮಾಡಿದೆ.
